AARBEI-en-AVOKADO SLAAI

Ek maak graag slaaie met aarbeie en avokadopeer-variasies. Dit lyk vir my mooi, en die kombinasie is heerlik. Hierdie spesifieke slaai gaan saam met 'n kruierige koljander slaaisous - jy kan die slaaisous vervang met iets ander (of selfs gebruik vir iets anders - dit gaan goed met enige groen slaai).

100 g blaarslaai
150 g aarbeie
150 g avokado
100 g komkommer

Koljander Slaaisous:
50 g cilantro/vars koljander
125 ml olie
15 ml xylitol/erythritol, of versoeter na smaak
4 knoffelhuisies, fyngemaak

Was en kerf die blaarslaai, pak onder in 'n slaaibak. Kerf die aarbeie in repies en pak bo-op die blaarslaai. Sny die avokado in skywe (of blokkies) en voeg by - sprinkel bietjie suurlemoensap oor om te keer dat dit verkleur. Sny die komkommer in blokkies en voeg by.

Slaaisous: Plaas al die slaaibestanddele in 'n versapper (soos NutriBullet) en verwerk tot glad en romerig. Geur na smaak. Gooi die slaaisous oor die slaai en verkoel tot opdiening.