GEROOSTERDE SUURLEMOEN HOENDER

Hoender is altyd my "go to" (en maalvleis) as ek nie weet wat om te maak nie. Dis redelik goedkoop en veelsydig - en die LowCarb toelaatbare geregte wat jy daarmee kan optower, is eindeloos.

2 suurlemoene
30 ml olie
6 takkies roosmaryn
2 knoffelhuisies, fyngemaak
6 hoender dye

Voorverhit oond tot 200°C. Druk die sap van 1 suurlemoen in 'n klein bakkie uit. Sny die ander suurlemoen in dun skyfies. Voeg die olie, 2 takkies roosmaryn en knoffel by die suurlemoensap. Plaas die hoender in 'n bak en gooi die suurlemoenmengsel bo-oor die hoender. Laat vir 30 minute marineer. Pak die suurlemoenskywe onderin 'n gesmeerde oondvaste bak uit. Plaas die oorblywende 4 takkies roosmaryn bo-op. Plaas die hoender bo-op met die vel kant na bo. Bak vir 45-50 minute tot die hoender gaar is, bedruip gereeld met die sous terwyl die hoender bak.
6 Porsies * Per Porsie * Net Carbs 1.3g