GESTOLDE KOMKOMMER SLAAI

15 ml gelatien, ongegeur
60 ml warm water
250 g komkommer
125 ml mayonnaise
250 g roomkaas, gegeur of ongegeur
60 ml room
50 g dill agurkies, gerasper

Los die gelatien in die warm water op en laat eenkant staan. Sny die komkommer in die helfte deur en skraap die pitte met ‘n teelepel uit. Rasper dit grof in ‘n mengbak. Voeg die mayonnaise, roomkaas en agrukies by. Meng goed en geur na smaak met sout en peper. Roer die gelatien by en meng goed. Spoel ‘n ring-vorm met koue water uit en gooi die mengsel daarin. Plaas in die yskas om te stol. Keer net voor opdiening uit op ‘n glasbord en garner met lemmetjie skyfies en/of vars pietersielie.
6 porsies * Per Porsie * Net Carbs 4.2g