SPEKGEDRAAIDE VARK-FILET

Daar is net een ding lekkerder as ‘n lekker sappige varkfilet– en dit is ‘n lekker sappige varkfilet wat in spek toegedraai is. Varkfilet is ook bekend as “tenderloin”.

2 vark filette (500 g elk)
5 ml varsgemaalde swart peper
2,5 ml knoffelpoeier of knoffelsout
2,5 ml uie poeier of uie sout
2 ml gedroogde tiemie
12 repe streepspek

Voorverhit die oond tot 200°C. Voer ‘n rolkoekpan met tinfoelie uit en smeer/spuit deeglik. Droog die filette met kombuispapier af. Meng die speserye saam en vryf die filette goed met die mengsel in. Draai die spek skuins om die filette – draai dit deeglik toe sodat daar nie enige opening tussen die repe spek is nie. Plaas die filette op die pan en bak vir 30-45 minute of tot dit gaar is. Laat die filette vir 10 minute staan, sny in skywe en bedien.