LowCarb SOUTTERT, QUICHE EN SOUT MUFFINS

Daar is min mense wat 'n weerstand het teen 'n goeie souttert - en die goeie nuus is, met LowCarb is daar soveel heerlike moontlikhede. Hierdie splinternuwe Resepteboek is 'n moet in enige LowCarber se kombuis - soutterte is die ideale kos, van ontbyt tot funksies tot middagetes en kosblikke en so verspot maklik en vinnig om te maak. Maar hierdie boek gaan nie net oor soutterte nie - dit bevat ook 'n afdeling oor Sout Muffins, dws daardie muffins wat met LowCarb-meel gebak word en allerhande ander lekker dinge bevat.

LowCarb Souttert, Quiche en Sout Muffins bevat alles wat jy nodig het om die heerlikste LowCarb Soutterte en Sout Muffins self te bak!
Inleidinde hoofstukke oor LowCarb, wat om te eet en nie te eet nie.
Volledige en omvattende bespreking van LowCarb bestanddele (soos die verskillende toelaatbare LowCarb meel, LowCarb broodjies vir ekonomiese soutterte en nog vele meer)
Wenke vir die bak van perfekte LowCarb Soutterte en Sout Muffins - soos toerusting en allerhande ander wenke, asook sout tertkorse

En dan, 'n versameling van die beste, lekkerste en beproefde (en vinnigste - en soos gewoonlik, mees ekonomiese) LowCarb Resepte vir Soutterte, Quiche en Sout Muffins - enige iets van vinnige soutterte tot ekonomiese soutterte tot deftige soutterte, in alle kombinasies en met 'n wye verskeidenheid bestanddele. Elke Resep bevat 'n volledige voedingsanalise, sodat jy presies kan sien hoeveel koolhidrate jy inneem.